Roll playing-aren ebaluazioa eta gidoia

Hona hemen gure roll-playing-aren balorazioa errubrikaren irizpideak jarraituz (klik!), eta baita, roll-playing-a egiteko prestatutako gidoia ere (klik!)

ROL PLAYINGA Peruren Historioa

Hemen  daukazue Txupitopiluletak sortutako bideo bikain hau. Ezarri baino lehen, gure esker milak paketinaikos taldeari guraso papera egiteagatik eta beraien ekarpen guztiak eskaintzeagatik.

Eskerrik asko ikusle maiteoi!

=)

Errubrika

Hona hemen egin beharreko errubrika: klik!

SEXISMORIK GABEKO EGUBERRIAK

Ondorengo artikulu hau, stee-eilas sindikatuak berrian argitaratu zuen abenduaren 11ean, igandea.

Eguberriak laster datozela eta, etxeko txikiak olentzerori bidaltzeko gutuna prestatzen hasten dira, jostailu eta jokoz betetako gutuna. Artikulu honek dio, joko eta jolasak erosterako orduan gizon eta emakumearen arteko ezberdintasuna bultzatzen duen sexismoa alde batera utzi behar dugula. Jolas eta joko hauetan gizon eta emakumearen betiko rolak nabarmentzen dira, bideo jolasetan, eredu sexistak etengabekoak dira,bai emakumearen irudian eta gizonaren eta emakumearen rola azalduz. publizitatea da horren eragile nagusia, izan ere estereotipoz beterik dago, jokoek ez daukate, jokoaren propioa den rolik. inguruak, gizarteak.. eragiten du joko bat neskentzako edo mutilentzako izatea. Helburua ez da orain neskek, orain arte mutilek jolas ohi izan duten jolasetara jolasten hastea eta alderantziz, baizik eta joko guztiak guztiontzat izatea Haurrak etengabe, jolasean eta jokoekin dabiltzanez, oso garrantzitsua da euren garapenerako eta gizartera egokitzeko.

Geuk, gure kasuan, irakasle bezala, haurren hezkuntzaren zati handi bateko gera eta komunikabide eta publizitate mota hau desagertzearen aurka ezer gutxi egin dezakegunez, honek defenditzen dituen ideien aurka joateko aukera geratzen zaigu, haurrengan ahalik eta eragin gutxien izaten saiatu behar garelako. Zenbat kasu daude, zenbat eskoletan gertatzen da “mutilen” jolasekin jolasten duten neska asko eta “nesken” jolasekin jolasten duten mutil asko lotsatuta sentitzen direla honengatik? Eta beldur direla egiten dutena aitortzeaz?(besteek zer pentsatuko dutenaren beldur direlarik) honekin amaitu beharra dago bai eskolan eta baita familia giroan ere.  Horretarako modurik egokiena haurrei jolasek sexurik ez daukatela argi uztea da. Irakasle moduan, garai hauetan, ikasleei azaldu behar diegu hau beraiek ulertzeko moduan, argi utzi behar diegu ez dagoela mutilentzako jolasik ezta neskentzako ere, eskola askotara olentzero ere iristen da eta guztientzako opariak berdinak izan beharko lirateke edo antzekoak behintzat, haiek barneratuta dituzten desberdintasunak alde batera uzteko modurik egokiena baita (Beraiek hoberen ulertzeko modua behintzat bai). Honetaz gain, haur baten oparia,( jostailu, bideo joko, literatura…) erabakitzerako orduan hainbat gauza kontuan hartu behar dira: haurraren adinerako egokia eta interesgarria izatea, elkartasuna eta laguntasuna bultzatzea, jarrera solidarioa azaltzea, sexista baztertuz, parte hartzera bultzatzea, emakumearen irudia nabarmentzea… hau guztia etxean bultzatzeaz gain, eskolan landu beharra ere badago.

Denok landutako testua den arren, nik (Olatz) pasatu dut blogera.

Kasuen hausnarketak

Klase orduan egindako bileran, talde bakoitza bere kasuaren azalpena eta kasu horri irtenbidea emateko prozeduren azalpenak egin dira. Kasu horiek, irakasle lanbidean edozein momentutan eta aldi bat baino gehiagotan gertatu ahal diren kasuak dira. Garrantzitsua da irizpide txiki batzuk edukitzea klaseko tutore bat izanda, eta kasu hauen aurrean nola esku hartzen jakitea oso garrantzitsua da. Nahiz eta, kasu bakoitza ezberdina izan eta esku hartze ere, kasu bakoitzerako oinarri batzuk edukitzea ahalik eta irtenbide hoberena edukitzeko oso garrantzitsua da. Hau izan zen bileraren helburua, ondoren lanean hasten garenerako nola jokatu jakin dezagun.

Egindako azalpenen artean gehien harritu nauena, ikaskide bat hiltzearena izan da, eta nola esposatu duen talde horrek. Power point baten bitartez eginikoa izan da, musikarekin eta azalpenean jartzen zuten ahotsa paperean sartzeko modukoa zen. Harritu nauen beste kasuetako bat bulling-ekoa izan da, eta hau, jarritako bideoarengatik eraginda izan da. Oso gogorra izan da bulling jasandako ume baten aitorpenak. Beste kasuak ere nahiko gogorrak ziren baina, ezin izan nahiz hainbeste paperean sartu beste bietan bezala. Ala ere, ume horien tutore izatearen paperean jarri naizenean, lanbidearen zailtasunik handienak ulertu ditut, baina umeen onerako aurre egin behar zaien kasuak dira.

Iñaki Amado

AHOTS MESIANIKOKO ERROBOTA

Gaur, berria bilatzen ari ginela, ondorengo iritzi artikulua aurkitu dugu; klik! irakurtzeko.

Blog-ean hausnarketa egiteko normalean berriak erabili behar ditugun arren, oso iritzi artikulu interesgarria iruditu zaigu. Honek gaur egun hezkuntza pairatzen hasi den, eta etorkizun batean pairatu dezakeen egoeraren berri jasotzen du. Gainera, oso hitz gutxitan eta era erakargarri batean idatzita dagoenez kuriosoa eta polita iruditu zaigu, nahiz eta barnean irakasleentzako etorkizun beldurgarria gordetzen duen.

Artikulua ulertzeko hezkuntza ez den beste lan esparruetan gertatu dena aztertu beharra dago. Industrian, adibidez, hasiera batean ekoizpenerako langileen eskuak ezinbestekoak baziren ere, denborarekin makinak agertu eta apurka apurka langileen beharra murrizten hasi zen. Honen ondorioz, langileen kopurua, industrian, nabarmen murriztu zen. Adibide hau kontuan hartuta, teknologia berriek, gizakiaren lana errazteko aitzakiarekin sortu baziren ere, gaur egungo kasu askotan gizakia bera ordezkatu dutela esan dezakegu. Zertarako ordaindu 10 langileen soldata, eginkizun bera betetzen duen makina zoragarria martxan jartzeko langile bakarra behar ba da?

Guri dagokigunez, hezkuntza arloan, begi-bistakoa da teknologia berrien erabilerak azken urte hauetan izan duen hazkuntza. Egungo irakasleek hauek erabiltzera behartuta daude, eta haien lana pixkanaka pixkanaka mugatzen hasi da. Lehen, irakasleak euren hitzez baliatu behar ziren teoria desberdinak azaltzeko, egun, ordea, nahikoa da botoi bat sakatuz makina batek teoria bera azal dezan. Beraz, egoera honek aurrera jarraitzen badu, irakaskuntzarako pertsona formatuak eta kualifikatuak garatu beharrean, nahikoa izango da teknologia berrien erabilera ezagutzen duen pertsona bat kontratatzearekin. Eta egoera honetan,azkenean, ahots mesianikoko errobotarekin topatuko gara.

Honetaz gain, azkeneko urte hauetan komunikabideetan hainbeste erabilia izan den “krisia”-ren aitzakipean gertatzen ari diren murrizketa guztiak kontuan hartzen baditugu, eta gero eta pertsona gehiago langabezian aurkitzen direla jakinda, erraz uler dezakegu langileak makinekin ordezkatzeak ekar ditzakeen onurak zenbait pertsonen poltsikoetan.

Gainera, eskoletan, gero eta garrantzia handiagoa ematen zaie eduki akademikoei, eta giza irakasle errealaren beharra duten balore moralak eta giza-harremanak baztertu egin dira. Guzti hau kontuan hartzen badugu ezin dugu iritzi artikulu honetan azaldutako etorkizun beldurgarrirako bidean gaudela ukatu.

Beraz, hezkuntza zertan bihurtzen ari den hausnartu beharrean gaudela pentsatzen dugu, eta baita teknologia berriek ekartzen dituzten ondorioak aztertzeko beharrean ere. Argi dago teknologia berriei esker baliabide asko eta aberatsak ditugula gure esku, eta hauek era egokian erabilita izugarrizko laguntza lortu dezakegula. Beraz, ondorio gisa, esan dezakegu irakasle moduan eskaintzen, edo askotan inposatzen zaizkigun baliabideak ondo aztertu eta hauen erabilera ondo neurtu behar dugula ahots mesianikoko errobotak gure lanean ordezka ez gaitzan.

>Danok lan egin dugun arren aste hontan neri tokatzen zitzaidan blog-era pasatzea. Horregatik etiketetan neu bakarrik agertzea.

Gelako azalpenen hausnarketa

Ikaskideok bilera moduko horretan taldeka aipatutako gaiak , aurkeztu garatu eta azaldu ditugu taldez talde. Orain, norberaren esku dago bakoitzak entzundakoari bueltak ematea.

Gehien inpaktatu didaten gaiak, ikaskide batek heriotza ikustearena eta bullinarena izan dira. Zergatik? Kasua azaltzerakoan adibideak izenekin, nolabaiteko gidoi edo istorioarekin ikusi ahal izan ditugulako (bideoan zein diapositiban). Argi daukat entzuten gauzak inpaktatu dezaketela, baino kasu bat entzuteaz gain ikusi ahal izateak, gehiago hunkitu egiten du eta oso barrura sartu daiteke sentsibilitatea ukituz. Horretaz gain, argi dago beste gaiek ere (arrazakeria, dibortzioa, tratu txarrak …) zer pentsa ekartzen dutela.

Nahiz eta ariketa hauekin gerta daitezkeen arazoei aurre egiteko irtenbideak aurkitzen saiatu garen, momentuan konpontzerakoan ez da batere  erraza esandakoak praktikan jartzea. Gainera, nahikoa da haur bakar batek arazo bat edukitzea gainontzekoengan eragina izan eta gela osoa desmadratzeko. Esan beharra dago, lagundu nahi izatea eman behar den lehen pausoa dela, harrigarria badirudi ere, badaudelako paso egiten duten irakasleak. Horregatik lehenengo laguntzera bultzatu behar da, zer egin daitekeen ikusi, behar denarekin hitz egin, ahal den guztian gertu egon eta ikasleak behatu. Ziur nago arazoa duen umeak berriro ere aurpegian irribarre bat dakarrela  eta algaraka ikusteak, egindako esfortzua zerbaitetarako izan dela konturatzen lagunduko duena, ibilbidea aldapatsua, gogorra eta luzea den arren.

Gogorra izan behar da pertsona, kasu hauek gainditzeko eta inolako sekuelarik ez geratzeko (ikaslea eta baita irakaslea ere). Izan ere hau jasan izan duten pertsonek deskonfidantza garatzen dute eta agresibitatea agertzea ere ez da batere arraroa (gaia edozein denik: arrazakeria, bullinga, laguna hiltzea … Baino irakasle bat laguntzen egon eta haurrak atzerako bidean jarraitzen duela ikusteak ere, amorratu eta tristatu behar du irakaslea erabateko inpotentzia eraginez eta ezer balio ez duenaren sentsazioarekin utziaz. Dena den, irakasle desberdinak elkartuz eta kasuak aztertuz, gaur egun egin dira jarraitzeko balio duten eredu batuk. Adibidez lehen autistak nola lagundu, orain badago beraientzat propioa den metodologia bat. Hori eredu bezala edukiz, irakasleen, gizarte zerbitzuaren eta ikastolako psikologoaren laguntzaz gaur egun errazagoa da, eta errazagoa izango litzake ahalik eta kasu gehienen jarraipena aztertu ezkero. Horregatik egindako azalpenak bateratuta, nola kontuz eduki behar duzun zer esan (adibidez Richard-en familia ijituarekin), gurasoekin nola hitz egin separatuak baldin badaude (ezin dituzulako batera zitatu oso gaizki moldatzen badira)… ikasi dut.

Badakit nik pertsonalki oso gaizki pasako nuela kasua dena dela, baina ez nuke munduko ezergatik inoiz amore emango.

Aitziber Cruz

Robert Rosenthal

Nire hausnarketa saulen hausnarketaren komentarioan dago

KASUEN HAUSNARKETA

Gaurko klasean, hainbat egoera zehatzi  buruzko iritziak, azalpenak, eta aurre egiteko bideak(soluzioak) ikusi ditugu. Hainbat egoera desberdini buruz hitz egin dugu, horien artean, tratu txarrak, bullyinga, dolua eta arrazakeria. Nahiz eta egoera hauek telebistan, pelikuletan norbaitek kontatua … ikusi, argi dago ez dela berdina hori bizitzea edo gertuko norbaitek bizitzea. Oso gai delikatu eta gogorrak dira denak, zoritxarrez gure gizartean egunero tokia hartzen dute. Batzuk begiak estali eta ezer ikusi ez balute bezala jokatu arren, arazo hauen aurrean borrokatzea beharrezkoa da. Eskolan horrelako gaiak behin eta berriz errepikatzen dira eta tutoreak hemen lan handia eta gogorra dauka egiteko,hori bai argi eduki behar du hemen ez dagoela bakarrik, eskolako orientatzailea, zuzendaria eta gizarte zerbitzuekin elkarlanean arituko direla arazoari aurre egiteko. Tratu txarrak, bullyinga eta arrazakeria jasaten duten  umetxoek, askotan babesik gabe aurkitzen dute euren burua eta beldurtuta eta lotsatuta agertzen dira. Ez dira gai gertatzen zaiena kontatzera ausartzen, ohituak daude errutina horretan bizitzera eta umeak izanik, ez dira konturatzen zulo hartatik ateratzeko aukera daukatela laguntza onartuz gero. Zaila izan arren, kasu hauetan beharrezkoa da tutorearekin egoerari buruz hitz egitea, ume batek ezin baitu berak bakarrik arazo larri horri aurre egin. Doluaren kasua desberdina da,heriotzari guztiok diogu beldurra eta bereziki txikitan, hilezkorrak izatearekin amets egiten dugula. 

Denok batera lan eginez,egoera latz hauei aurre egiteko konponbidea bilatzea errazagoa da, baina zoritxarrez, praktikara aplikatzerako orduan nahiko zaila da. Izan ere, kontua ez da egoera hauetatik irteteko konponbidea jakitea, egoera latz hauek bizitzera ez iristea baizik.

Gaurko klaseko hausnarketa _ Saul

Gaur klasean egindako praktikan irakasle izanda gertatu ahal zaizkigun, eta kezkagarriagoa dena guretzat, gertatuko zaizkigun arazoak gertuago ikusi ditut.

Azken urte hauetan, komunikabideak eta jasotako txarla guztiak direla eta, oso presente izan dugu bulling-a eta horren kasuak. Beraz, nolabait, horrelako egoerak pairatuko ditugula onartuago daukat, eta horregatik, agian prestatuago ikus dezaket nire burua.

Hala ere, gaurko kasuen artean inoiz burutik pasatu ez zaizkidanak eta benetan gerta daitezkenak entzun ditugu. Horien artean, muturrekoenak izan dira gehien harritu nautenak, ikasle bat hiltzen denean adibidez, zelan lagundu bere lagun mina den ikasleari. Hala ere, gehien kezkatzen nautenak egunero gertatzen diren egoerak dira; gurasoen bereizketak, tratu txarrak, umeen bazterketak, kulturen arteko talkak, e.a. Izan ere, hauek behin baino gehiagotan pairatu beharko ditugu, eta horiei aurre egitea eta ahalik eta konponbiderik onena lortzea gure esku egongo da.

ROBERT ROSENTHALEN ESPERIMENTUAREN HAUSNARKETA

Ikasle eta irakaslearen arteko konpenetrazio eta konfiantzak asko laguntzen du honek asko eta gustora ikasi dezan eta baita egoera animikoan ere. Izan ere, irakasle batek zerbaitetara iritsi nahi badu, muga zehatzen bat nahi ezkero, gogotsuago egingo du bere lana ikaslea helmuga horretara iritsi arte. Aldi berean, ikasleak bere hobekuntza ikustean, hobeto sentituko da eta ikasle aktiboa izango da. Hau da, parte hartzeak egingo ditu eta honekin batera, inkonszienteki ikasgela osoari ideia eta ekarpenak dizkio guztien onerako izango direnak.

Zoritxarrez, baliteke irakasleek inkonszienteki ikasle onenei irribarre gehiago eskaintzea (uste dut horrela dela, nik horietako oso gutxi jaso ditudalako!) eta batzuei laguntza gehiago eskaintzea. Baino argi dagoena da, ikasle on batek gutxitan beharko duela irakaslea ondoan, horregatik ikasle txarrak, gure laguntza behar duten horiek, izan behar direla gure kuttunak eta ez besteak.

Beraz, atera daitekeen konklusio honena hau da: irribarre batek uste duguna baino gehiago esan dezake eta zer esanik ez begirada batek.

Aitziber Cruz

ROBERT ROSENTHALEN ESPERIMENTUA

Irakurri berri dudan artikulu hau, zaldiaren istorioa kontatuz hasten da. Hemen, zaldiak dituen hainbat gaitasun azaltzen dira; orduak, hilabetak... kontatzen dakizkiela.. hasieran denak harrituta zeuden, baina zientzialari batzuk gaia aztertzen hasi eta misteriorik ez zegoela ohartu ziren, inkontzienteki hainbat gauza transmititzen ditugula gertaera hauek jasotzeko. 
1964ean, Clever Hansen esperimentuan oinarrituta, Robert Rosenthalek, esperimentu bat egiteari ekin zion. esperimentu hau egiteko, eskola bateko ikasle batzuk hartu eta bi taldetan banatu zituen, inongo ezaugarririk kontuan hartu gabe. Talde bakoitzari irakasle bat jarri zion eta lehenengo taldeko irakasleari, ikasle arruntak zituela esan zion eta bigarren taldeko irakasleari, ohikoena baino azkarrago ziren ikasleak izango zituela esan zion. Kurtso bukaeran, froga batzuk egin zizkien ikasle guztiei eta 2.taldekoek emaitza hobeak atera zituzten lehengo taldekoek baino. Honekin ondorengo emaitza hau atera zuen, irakaslea motibatua baldin badago, ikasleen emaitza onak espero baditu eta ikasleengan sinesten badu, motibatuago ematen ditu klaseak, azalpenak…
Atera daitekeen emaitza, norberak bere buruarengan segurtasuna baldin badauka, motibatua baldin badago, egiten ari den ekintza horretan sinesten badu… gogo gehiago jartzen dituela hura burutzeko. Geroz eta gehiago motibatzen baldin bazara gauza bat egiteko, gogotsuago egiten duzula eta emaitzak zeure gustukoak izango direla.


Hona hemen, lengoan ikusitako bideo bat, artikulo irakurtzen hasi bezain pronto gogoratu naiz.

Olatz Hernandez

Robert Rosenthal-en esperimentua_Saul

Robert Rosenthal-en esperimentua jasotzen duen artikuluaren nire hausnarketa irakurtzeko klik hemen

Moduloko lana lantzeko testuen laburpena

Moduloko lana lantzeko aukeratutako B multzoko testuen laburpenak ikusteko klik hemen!
Eta testu hauetan oinarritutako kontzeptu mapa ikusteko hemen!

HEZKUNTZA MODELO FINLANDESAK MUNDUKO ERANTZUN AKADEMIKO ONENAK LORTZEN DITU, BAINO NOLA?

Lund-eko unibertsitatean (Suezian) klaseak ematen dituen Inger Enkvitek dio, honen arrazoi nagusia hezkuntza sistema tradizionalak erabiltzearena dela, horrek ikasleen esfortzua bait dakar.

Erantzun peto eta bikain horietarako arrazoietako bat, curriculum oso argia dutela da, non guraso zein ikasle eta irakasleek zer ikasi behar duten ondo ulertu dezaketen. Beste bat, irakasleen nibela oso altua dela da, izan ere, hango magisteritzako unibertsitateak bakarrik 5-10 plaza eskaintzen ditu, irakasle izateko aukera emanez. Horrekin ondorioztatu daiteke irakasle bihurtuko dena, ez dela edozein pertsona izango, oso azkarra izango delako, batxilerreko nota onenak dituelarik.

Goian aipatutako irakasleaz gain, hezkuntzan  badaude gainontzeko figura argi  batzuk. Ikasleei dagokionean badute hezkuntza espezial a behar dutenentzako zerbitzu bat haur horientzako oso lagungarria dena eta besteei estimulatzen zaie. Familiaren jarrera, Espainian ez bezala, irakasleak errespetatzean datza, lehenengo irakasleari entzuten eta gero seme-alabei eta ez alderantziz. Azken figura garrantzitsua eskola da, hemen 7 urterekin hasi eta 16rekin bukatzen dute eta mota dela eta, eskola gehienak publikoak dira.

Inger Enkvit-i Espainiako erantzunak hobetzeko zer egin daiteken galdetu diotenean, hau izan da bere erantzuna: “Irakasleen nibel edo maila linguistikoa hobetu eta baita zenbat lege hobetu ere. Garrantzitsuena ez bai da guztiek hezkuntza edukitzeko diru inbertsio asko egitea, guztiek jaso ez nahi dutelako.”

Azken finean, interesgarria da eta baita egokia ere hezkuntza sistema paregabea edukitzea, baino horrek ikasle batzuei kalte egiten ez dien bitartean. Izan ere, batzuek ikasi nahi ez izateak , ez du esan nahi 5 edo 10 pertsonek bakarrik magisteritza ikasi nahi dutenik, eta Finlandian behintzat, ikasle askori kentzen diete beraien irakasle izateko aukera. 10eko ikaslea izateak ez baitu ziurtatzen ikasle ona izango zarenik, ezagutza eta adimen handia daukazula baizik. Horregatik horri dagokionean, bokazioa duten eta ikasteko gogoa duten zenbaitzuk ikasi nahi dutena baztertzea eragiten die nahiz eta ikasle onak izan (7 eta 8koak ere ikasle onak direlako, haien aurretik 10 pertsona dauden arren.

Espainian hori ezartzearena zaila izango litzakeela ziurra da aldaketa asko suposatuko lituzkeelako. Gainera, ez bakarrik eskolan, baita familietako kide guztietan ere (guraso eta ikasleetan batez ere). Askok pentsatuko dute Finlandiako hezkuntza horren ona bada, saiatzea ez legokeela gaizki eta saiakera bat egiteagatik ez dela ezer gertatzen. Baino ondo ateratzen ez bada, zenbait generaziori kalteak ekarriko lizkieke. Beraz, egin baino lehen, aukera guztiak pentsatu eta aztertu beharra dago eta besapean zenbait errekurtso izatea ere bai. Orduan bai probatzea izango litzake kontua, eta hezkuntza sistema horrek Espainian duen harrera adi behatu. Nork daki zer gertatu daitekeen. Dakigun bakarra, hori ikustea interesgarria izango litzakeela da.

Albiste hau bere osotasunean irakurri nahi ezkero, baduzue hemen klikatzea.

PD: Albistea denok landua da nahiz eta Aitziberrek idatzia den.

Elkarrizketen mapa kontzeptuala

Elkarrizketaren balorazioa

Elkarrizketa egiterako orduan, nahiko eroso sentitu nahiz, irakasle onek, askotan bere istorioak eta bere laneko anekdota asko kontatu dizkidalako. Honek lagundu zidan lasai egoten eta banekien bera horretaz oso gustora hitzegiten zuela eta are eta gehiago lagungarria bazen niretzako. 1h 25min egon giñen hizketan, bueno hobe esanda, egon zen hizketan, zeren eta, gutxi uzten zidan niri.
Hasiera batean elkarrizketa oso formala zen eta datu nahiko zehatzak eta historikoak ematen zizkidan gauz batzuetaz, ez zirenak oso baliogarriak lan honetarako, baina denbora pasa ahala eta galderetan gehiago sakonduta, lan honen funtzioa beteko zuten erantzunak ateratzea lortu nuen. Asko gustatu zitzaidan ez zidala adibide bakarra ematen kasu bakoitzean, baizik eta burura etortzen zitzaizkion guztiak, baina politena izan zen oroitzerakoan jartzen zuen poztasun aurpegia. Horrek lagundu zidan ikusten benetan disfrutatu zuela lanbide horretan eta motibazioa sortu zuen nigan noizbait hori lortzeko helburuarekin.

Elkarrizketaren balorazioa _ Saul

Azkenean lortu dut elkarrizketa egitea!

Hasiera batean espero ez nuen arren, gustura eta pozik atera naiz elkarrizketatik.  Hasieran lotsa puntu batekin abiatu naiz institutura. Arraroa egin zait zentzazio hori izatea, izan ere, konfiantza handia transmititzen didan irakaslea da hau, eta askotan egon gara biok elkarrekin hizketan. Gaurkoa, ordea, egoera desberdin gisa azaltzen zitzaidan; ez zen batere naturala neure burua irakasle honi era formalean elkarrizketa bat egiten imajinatzea.

Hala ere, bera ikusi dudan bezain pronto lasaitu eta eroso sentitzen hasi naiz, betiko naturaltasuna transmititu baitit. Gainera berarentzako ere egoera arraroa zela ikusteak  naturaltasun zentzazio hori indartu dit, eta elkarrizketa formala espero nuena, ohiko solasaldi erosoa bihurtu dugu.

Elkarrizketa, berez, motz (25 min. Inguru) gelditu zaigu, hala ere lortutako informazioa zehatza, baliogarria, eta aberatsa izan dela uste dut. Esan bezala, pozik atera naiz solasaldi honetatik.

Gehien gustatu zaidana neure burua berarekin (gaztea zenean) identifikatzea izan da. Lehenengo galderatik konturatu naiz honetaz; ea zergatik erabaki zuen irakasle izatea galdetu diodanean, hasieran beste asmo batzuk zituela azaldu dit, baina bizitzan izandako hainbat faktoreek irakaslea izatera bideratu zutela. Bere esanetan; “azken finean ez dut uste izan dela erabaki bat, baizik eta bizitzak eraman zaituen leku bat”

Hau entzuterakoan nire egoera etorri zait burura, zeinean, nik ere, beste asmo batzuk nituen, eta azkenean, berari gertatu zaion bezala, irakaskuntzarako bidean ikusten dut neure burua.

Beraz, esaldi horrekin geratzen naiz, bizitzak garamatzan bidea besterik ez dela hau, eta gure kasuan, bideak, hezkuntza mundura eraman gaituela.

Hezkuntza Sailak Ordezkapenetarako 3 milioi euro gutxiago

Eusko Jaurlaritzako Hezkuntza Sailak datorren urterako 2.645 milioi euroko aurrekontua du. Hezkuntza arloan nahiz eta %0,9 jaitsi, aurrekontu guztiekin konparatuz %0,1 igo da.

Hezkuntza Sailaren helburua, hezkuntzarako eskubideak berdintasunez gauzatzea da, eta hau lortzeko hainbat murrizketa egin behar dituzte:

-       ·   Eskolaratzeko dirua, %1 igo

-        ·  Langileen lan baldintzak eta ordezkapenak berdin mantenduko dira, baina ordezko langileen gastuetan 3 milioi euro gutxiago gastatuko dituzte, milioi bat gutxiago lehen hezkuntzan eta 2 milioi gutxiago derrigorrezko bigarren hezkuntzan.

-          ·Unibertsitateetan eta ikastetxetan ekintza batzuk atzeratu egin beharko dituzte, eta beste urtetan eskaini ohi izan  diren sari batzuk, kenduko dituzte.

-          ·Bigarren hezkuntzako laugarren mailan eskaintzen diren atzerrira ingelesa ikastera joateko udalekuak kenduko dituzte eta honekin 80.000 euro aurreztea espero da.

Gaur egungo egoera dagoen bezala, murrizketa batzuk egitea beharrezkoa da irtenbideak emateko, baina hezkuntza arlotik at, izan ere, hezkuntza on bat edukitzea haur eta gazte guztientzako onuragarria da eta ekintza interesagarri batzuk alde batera uzten ditu murrizketa honek, hala nola, kanpora ikastera joateko aukera ( ikasteko aukera paregabea), langileen gastuak murriztearekin ere galtzen ateratzen gera, baliabide gutxiagorekin geratuko baitira.

Ikasleak eskolaratzeko gehiago ordaintzea ere, ez da irtenbide egokia, nahiz eta zifra txikia izan, familia askorentzat handia da.

Albistea, gaur, 2011ko azaroaren 8an berria egunkarian atera da bertan interneten baino zabalagoa da eskaintzen den informazioa.

Hona hemen, albistearen irakurtzeko esteka: klik!

GALDETEGIA

Irakasleari egindako elkarrizketa oso interesgarria izan da. Hasteko, galdera erraz edo sinpleenak egin nizkion, eta haiek egindakoan, berak esan zidan moduan galdera “konplikatuagoak” egin nizkion. Bere erantzunetan, ideiak argi dituela nabarmendu nuen. Nahiz eta ikasten hasi zenean irakasle izatea ez eduki buruan, orain inor baino gusturago dagoela  bere lanarekin esan zidan. Galderetako batean, irakasleak (kasu honetan berak) zer sentitzen zuen ikasle bat galduta (bai ikasketetan eta baita bizitza pertsonalean ere) ikusten zuenean galdetu nion, eta zer egin behar den ere. Bere erantzuna , ondorengo hau izan zen, jakin ez dakiela jakin beharko zutenik zer egin behar duten kasu honetan, baina laguntzen  saiatu? Bai, beti. Duela  urte batzuk, arazoak zituzten pertsonen gelako tutore izan zela esan zidan, eta batzuetan zaila egiten zitzaion arren, irakasle moduan ihardun duen urte guzti hauetako urte onenetariko bat izan zela esan zidan, edozein irakasleri gomendatzen ziola horrelako talde batean proba egiteko komentatu zidan eta harrituta geratu nintzen, urteetan zehar irakasleak  zein talde txarra tokatu zaien moduko esaldiekin  kexatzen entzun ditut benetan zein arazo duten jakin gabe (nire esperientzia pertsonalarengatik diot hau)  eta orain, irakasle honek emandako erantzunarekin eta ze modutara kontatu zidan ikusita, laguntzeko prest dauden eta ez dauden irakasleak daudela ohartu naiz. Beste erantzun guztiak, interesgarriak iruditu zaizkit ere, batzuk bitxikeri bezala eta beste batzuk neure etorkizuneko lanean  erabilgarri izan daitezkeen hainbat tresna, truku… izan daitezkeela konturatu nintzen, eroso sentitu nintzen elkarrizketa egiten, gustuko duzun pertsona batekin ikastea bezalakorik ez dago!

Galdetegia zer moduz?

Irakasleari egindako galdetegiari dagokionean, gutxi gora-behera espero nuen bezala izan da. Gauza batzuk zuzen erantzun ditu, inolako nahasterik gabe eta gainera erantzunak espero nituenak izan dira. Beste batzuetan ordea, nolabaiteko birak eman dizkio galderei, beste gauza bati erantzungo balio bezala, inolako anka sartzerik ez egiteko. Baino beno, hori galdera zailetan edo egin duenez, bere jarrera modu batean ulertu egin det.

Beraz, galdetegia bere osotasunean erabilgarria izan zaidala uste dut, beintzat hainbait detaile eta irakasleen jarrera ulertzeko. Eta nola ez, beste batzuen esperientziengandik ere ikasteko, gauza onak zein txarrak izan.

Aitziber.

Kontzeptu mapa

Honen testuen laburpenak irakurtzeko klik hemen!

Greba erdizka gelditzen da Nafarroako ikastetxe publikoetan

Greba eguna ostean, eta 4000 pertsona inguru Iruñera gerturatuta, datuak ateratzen dira eta lehendabiziko kontraesana ateratzen da. Hezkuntza sailak %34 kokatzen du jarraipena eta aldiz sindikatuek %70an. Hezkuntza sailak dioenez jarraipen gehiago eduki du bigarren hezkuntzaren aldetik lehen hezkuntzaren aldetik baino. Greba egitera gerturatu zirenak diotenez: irakasleak beraien lana murrizketekin eraginda dagoela diote, lan ordu gehiago dauzkatelako, ume gehiago klaseetan eta horrela klasetako kalitatea baldintzatuta gertatzen da. Baita esan behar da, 55 urtetik gorako jornadako murrizketa ez dela aurrera eramango eta lan ordu berdinak dauzkatela. Hala ere, harrigarriena bajak ez betetzearen arazoa da Iruñeako zenbait ikastetxetan gertatu den moduan.

AUTOKRITIKA, OLATZ HERNANDEZ 31.A

Nik "k" taldekoei azaldu diet adimen emozionalari buruz nekiena.  Asko ez dakidanez, ideia generala bai, baina daukagun informazio guztia menperatzen ez dudanez, papera eduki dut aurrean. Hala ere, taldekideek, papera aurrean eduki arren, beraiei begira hitz egin detela esan didate, batzutan trabatu  egin naizen arren. Nahiko ondo ulertu didate azaldutakoa, halka ere, informazio falta dagoela komentatu didate, oso praktikoa egin dugula lana.

ADIMEN EMOZIONALA (Nola landu)

Inteligentzia emozionalaren ezagugarriak, gure burua motibatzeko gaitasuna, gauzak egiteko nahia ez galtzea nahiz eta frustrazioak jasan, inpultsoak kontrolatzea, gure animo egoera erregulatzen jakitea, ezinegona kontrolatzen jakitea, enpatia erabiltzen ikastea eta besteengan konfiantza edukitzea dira.

Norberaren  ezaugarri emozionalen %50ª genetikatik datorkigu eta beste %50ª jaiotzez eta haurtzaroan bereziki bizi izan ditugun esperientziatik.

-Umeek beraien burua motibatzeko gaitasuna lantzea:  Jolasak, jarduera dinamikoak eta parte hartzea bultzatzen dituzten jarduerak egitea. Adibidez: Altxorraren bila, hau helburu zehatz bat lortzean datza. Mota honetako jokoen  bitartez umeen motibazioa, talde lana eta parte hartzea bultzatzen da. Gainera, jarduera dinamikoa da.

-Gauzak egiteko nahia ez galtzea nahiz eta frustrazioa jasan: Nahiz eta oztopo batzuk jasan, aurrera jarraitzea bultzatzen dituzten ariketak. Adibidez: Zaku lasterketa, non erori arren berriro altxatu eta aurrera egin behar duten. Talde lana sustatzeko beste ariketa batzuk egiteko aukera ere badago. Hala nola bi pertsona edo gehiagok elkarri lotuta egiten duten lasterketa.

-Inpultsoak kontrolatzea: jolasak zeozer egitera bultzatu arren,  inpultso  hori kontrolatzen  lagunduko gaituzten arauak. Adibidez: Baloi batekin harrapaketetara, honetan harrapatzaileek  baloia eskuen artean daukaten bitartean ezin dituzte hankak mugitu. Horretaz gain, harrapatzerako orduan, baloiarekin harrapakina ukitu beharko dute hau askatu gabe, hau da, baloia ezin da jaurti.

-Gure animo egoera erregulatzen jakitea: Ezagutzeko, lehenik eta behin, animo egoerak zeintzuk diren jakin behar dituzte. Horretarako, animo egoera ezberdinak antzeztaraziko diegu. Triste, alai, haserre…

-Ezinegona kontrolatzen jakitea: Umeek bere txanda itxoiten irakasten duten jolasak besteen txandak errespetatuz. Adibidez: Errelebo lasterketa, non aurrekoak bukatu arte itxaron behar dutela beraiek hasteko. Talde lanean pista jolasa ere erabili dezakegu, non pista ahalik eta azkarren irakurri nahi duten baino hori baino lehen froga bat pasa behar duten.

- Enpatia lantzen ikastea: Besteen egoeretan jarri eta hauek ulertzeko jolasak. Adibidez: Antzerki bat non beste baten paperean sartu behar diren eta haien egoera ulertu behar duten hobeto antzezteko.

-Besteengan konfiantza edukitzea: Konfiantza lantzeko jolasak. Adibidez: Erortzen utzi beste batek hartuko zaituela konfiatuz. Begiak estalita atzeko batek gelan zehar gidatzea zenbait testura diferente dituzten gauzak ukiaraziz.

Autokritika, Aitziber Cruz

Nik "I" taldeari eman diot azalpena. Hau egiterakoan, gustora sentitu naiz baino arazoren bat ikusi dut. Arazo nagusia trabatzearena izan da. Izan ere, ez irakurtzeko sahiakerak egiteagatik, sinonimo eta adibideak nere patrikatik sortzen sahiatzerakoan, azalpenak ulerkorragoak egiteko. Bestela, gainontzekoak ahotsa ondo proiektatu dudala komentatu didate eta besoak mugitzerakoan ulerkorragoa egiten dudala.

Ikasle baten ama hiru urtera zigortua irakasle bat erasotzeagatik

Epaiak jasotzen duenaren arabera ama eta bere alaba Bilboko ikastetxe bateko jolastokian zeuden emakumeak bere alabari txokolatezko arrautza bat eman zionean. Momentu horretan ikastetxeko zaintzazko irakaslea agertu eta leku horretan jatea debekatuta zegoela gogoratu zion emakumeari. Emakumeak haserretu eta modu txarrean irakaslea bultzatu ondoren oldartu eta honi muturrekoak eta ostikoak ematen hasi zen mehatxuak botatzen zituen bitartean, “hilko zaitut”. Jipoiaren ondorioz irakasleak 77 egun behar izan zituen osatzeko eta, hala ere, eskuin eskuko atzamar bat osatu gabe kaltetuta gelditu zaio.

Begi bistakoa da azken urte hauetan irakaslearen irudia pairatu duen gainbehera. Orain dela urte batzuk irakaslea oso pertsona baloratua eta errespetagarria zen. Gaur egun, ordea, errespetu hori galdu da gure gizartean. Gainera, ikus daitekeenez azkenengo urte hauetan arazo hau okerrera doa.

Horrelako gertaerak edozein pertsonari zuzenduta eta edozein esparrutan gertatuta ere jasanezinak dira, hala ere, guk irakasleak izateko ikasten ari garela, ikus dezakegu irakaskuntzan gero eta gehiago gertatzen ari diren gertaerak direla hauek eta hori da gehien kezkatzen gaituena. Baliteke, kasu hau ez ohiko kasu bat izatea, eta holako eraso bortitzak egunero ez gertatzea, baina irakaslearekiko errespetua kolokan jartzen duten egoerak egunero errepikatzen dira.

Ikus dezakegunez irakaslearen buruhauste bakarra jada ez da ikasleak ahalik eta era egokienean hezitzea, baizik eta erreformen erasoen aurrean, ikasleen erasoen aurrean, eta orain ere, gurasoen erasoen aurrean ikasleak zelan hezitu ditzaketen asmatzea.

Prestatu beharko gara..

Albiste osoa irakurtzeko klik!

Autokritika. Iñaki Amado 31A

Adimen emozionala azaltzerakoan G taldeari nik egindako autokritika, ez neukala gaia menderatuta paperik gabe egiteko moduan eta denbora guztian txuleta begiratzen egon behar izan naizela izan da. Aldiz nire lana azaldu diedanei egindako kritika, azkarregi hitzegin dudala eta teoria gutxi sartu dudala azalpenean izan da, zeren eta, azalpen oso praktikoa izan da, joko askoren azalpenen bitartez.


Iñaki Amado 31A

Autokritika; Saul Jimenez Perez -31A-

Gaurko jardueran "M taldean" adimen emozionalari buruz hitz egin behar izan dut hau zer den eta zelan aplikatu daitekeen azalduz. Hau egiterakoan papera gehiegi begiratzen nuela konturatu naiz, agian ideiak argi nituen arren zenbait kasutan zelan azaldu zaila egin zaidalako. Gainera baliteke teorikoki azalpen gutxi eman ditudala eta adibideetan gehiegi murgildu naizela. Hala ere, taldekoek adibideekin ulertzea errazago egin zaiela adierazi didate.

Saul 31A

Karrera batzuk desagertuko dira... Nun?Zeintzuk?Zergatik?

UPV-k beste kampus batzuetan errepikatzen diren eta ikasle gutxi dituzten karrera batzuk kenduko ditu.

Krisi ekonomikoa izan da erabaki horren arrazoia eta proiektua urte bukaerarako prest egongo da nahiz eta 2012-13 kurtsoan jarriko den martxan. Konponbidea aurkitu behar zaien 3 situazio ikus daitezke: Matrikula baxua dituzten eta zentro ezberdinetan eskaintzen diren titulazioak, matrikula baxua dituzten baino zentro bakar batean eskaintzen diren titulazioak eta espero dena baino harrera sozial gutxiago dituzten karrera berriak. Baino lehen pausoa, bikoitzak edo hirukoitzak dauden karreretan ematea erabaki da. 

Kenduko diren graduak nagusiki ingeniaritzakoak izango dira baino Ekonomia eta Enpresakoak, Kimikakoak, Enfermeritzakoak eta hezkuntzarekin lotutakoak ere izango dira. Gainera ikasle gehien dituzten fakultateak mantentzea da printzipioz mantenduko den irizpidea. Baina horrek ez ahal du gradu horien media gehiegi igoko? Hori da ikasleontzat arazo nagusia, buruhauste gehien ekartzen dituena. Selektibitate berriarekin nahiko okertu dituzte gauzak orain berriro hanka sartzeko. Adibidez orain farmazian sartzeko nota altua eskatzen badute, hau betetzekotan 14puntutik 13,5 atera beharko ahal da?

Ikasleak garen aldetik badakizu ikastea dela gure eginkizuna, baina argi dago pertsonak garela eta eskatzen den media arrazionala izan behar duela. Beraz erabaki azkarrak hartu aurretik, ondo legoke horrek ekarri ditzakeen ondorioak aztertzea.

EGA beharrezkoa?

Bizitzako %50a edo gehiago euskaraz kurtsatu eta graduko ikasketak egin ezkero , eskolak hizkuntza ezagutza maila edo trebezien inguruko titulu edo ziurtagiriak emango dira. Gainera, unibertsitatea ez den beste ikasketak burututa ere eskainiko dira.

hori ez litzateke horrela izan beharko. Izan ere, lege berri onek ez du bermatzen jendea euskara maila horretara iristen denik. Horregatik, gutxienez bizitza osoan zehar “D” ereduan aritu diren pertsonek jaso beharko lukete. “B” eredukoek besteen titulu bera eskuratzea ez zaigu bidezkoa iruditzen. “D” ereduan ikasi dutenen euskara maila bera al dute? Hori da Celaá hezkuntza kontseiluko aholkulariak zehaztu duena eta bere justifikazio bakarra hauxe izan da: ez da normala herri batean lan egiteko herri horren hizkuntza ziurtatzen duen agiria eskatzea. Baina guk badakigu euskara ez dagoela beste edozein herrialdetako hizkuntzaren egoera berdinean. Azken finean, euskara sustatu eta bultzatzeko beharra dagoela uste dugu.

Hona hemen Gara egunkarian agertutako albiste honen link; klik! 

AURKEZPENA

Bazen behin blogak egiten ez zekien talde bat, zeini aurkezpen bat idaztea agindu zioten, eta zer jarri ez zekienez istorio bat kontatzen hasi zen. Talde hau, magisteritzako lehen hezkuntzako gradua ikasten hasi ziren ikasleek sortu zuten. Talde honetako partaideak herrialde ezberdinetakoak ziren, Aitziber Cruz eta Olatz Hernandez (Donostiakoak), Iñaki Amado (Altsasukoa), eta Saul Jimenez (Gasteizkoa). Ikasle hauen blog-a gustukoa izango duzuelakoan besterik gabe, agur!